E fa'atupu hia te tahi purera'a feti'i i teie po, hora 7 i te fare pure no Sacré Coeur i Arue. Ananahi, e fa'areva hia tona tino i Popora, e tupu te 'oro'a hunara'a mai te hora 3 e te 'afa i te menema a te utuafare feti'i
PAPEETE, i te 17/09/2015 - Ua fa'aru'e mai o Sandy Ellacott a mahana piti ra, i te fare ma'i no Ta'aone. Ta'ata teie o tei taparahi pohe-roa-hia i Popora, a monire. No reira, a mahana ma'a na roto i te anira'a a te mau feti'i, e fa'atupu hia ho'e ta'ahira'a na roto i te hau, no te pato'i i teie mau 'ohipa 'ino o tei 'u'ana roa i te fenua nei.
Rave rahi o outou o tei fa'a'ite i to outou mana'o hepohepo i mua i te mau 'ohipa 'ino o tei tupu na, a monire, i ni'a ia Sandy Ellacott, i te fenua no Popora. Tamaiti teie a Stanley Ellacott, te peretiteni no te 'amuitahira'a e tia'au i te parau no te mau parurura'a na ni'a i te moana, te FEPSM.
Ua taparahi pohe-roa-hia e oia e, e 2 na taure'are'a, o Henri T. e o Vetearii T., 20 ti'ahapa matahiti to raua. Ia au i te mau mana'o matamua, ua tupu teie 'ati i Amanahune, i reira to Sandy farereira'a ia Henri T.. Inaha, ua ta'ero roa o Henri e ua haere oia i ni'a i te poromu, te taime a tere mai ai o Sandy Ellacott, na ni'a i tana pere'o'o 4X4. Te tahi mau parau teimaha o tei riro i te matara mai i muri iho, reva atu ra o Sandy. I taua taime ra, ua tapapa o Henri T. iana 'ape'e hia e oia e Vetearii. Piti tirometera i muri iho, i reira te 'ati rahi i te tupura'a mai.
A mahana toru ra, ua ti'a atu na taure'are'a to'opiti i mua i te ha'ava e tei raro a'e raua i te hi'opo'ara'a a te ture. Te vahi papu, i taua mahana ra, ua tape'a ato'a hia o Henri i Nu'utania, inaha, e riro ra e, o oia te tumu i pohe roa ai o Sandy i ni'a i tona ro'i i te fare ma'i no Ta'aone, a mahana piti ra.
Ia au i te ho'e ti'a no te ture, aita roa atu o Henri i fa'a'ite noa a'e i te tahi mana'o tatarahapa i mua i te mau 'ohipa o tana i rave i ni'a ia Sandy Ellacott. "Ua riri roa vau i muri a'e i to maua farereira'a", tona ato'a ra reo i mua i te ha'ava.
Ta'a noa atu i na taure'are'a to'opiti, e riro te tahi atu mau ta'ata i te tu'u ato'a i raro a'e i te hi'opo'ara'a a te ture, inaha, aita ho'e a'e o ratou i tauturu mai ia Sandy Ellacott.
Rave rahi o outou o tei fa'a'ite i to outou mana'o hepohepo i mua i te mau 'ohipa 'ino o tei tupu na, a monire, i ni'a ia Sandy Ellacott, i te fenua no Popora. Tamaiti teie a Stanley Ellacott, te peretiteni no te 'amuitahira'a e tia'au i te parau no te mau parurura'a na ni'a i te moana, te FEPSM.
Ua taparahi pohe-roa-hia e oia e, e 2 na taure'are'a, o Henri T. e o Vetearii T., 20 ti'ahapa matahiti to raua. Ia au i te mau mana'o matamua, ua tupu teie 'ati i Amanahune, i reira to Sandy farereira'a ia Henri T.. Inaha, ua ta'ero roa o Henri e ua haere oia i ni'a i te poromu, te taime a tere mai ai o Sandy Ellacott, na ni'a i tana pere'o'o 4X4. Te tahi mau parau teimaha o tei riro i te matara mai i muri iho, reva atu ra o Sandy. I taua taime ra, ua tapapa o Henri T. iana 'ape'e hia e oia e Vetearii. Piti tirometera i muri iho, i reira te 'ati rahi i te tupura'a mai.
A mahana toru ra, ua ti'a atu na taure'are'a to'opiti i mua i te ha'ava e tei raro a'e raua i te hi'opo'ara'a a te ture. Te vahi papu, i taua mahana ra, ua tape'a ato'a hia o Henri i Nu'utania, inaha, e riro ra e, o oia te tumu i pohe roa ai o Sandy i ni'a i tona ro'i i te fare ma'i no Ta'aone, a mahana piti ra.
Ia au i te ho'e ti'a no te ture, aita roa atu o Henri i fa'a'ite noa a'e i te tahi mana'o tatarahapa i mua i te mau 'ohipa o tana i rave i ni'a ia Sandy Ellacott. "Ua riri roa vau i muri a'e i to maua farereira'a", tona ato'a ra reo i mua i te ha'ava.
Ta'a noa atu i na taure'are'a to'opiti, e riro te tahi atu mau ta'ata i te tu'u ato'a i raro a'e i te hi'opo'ara'a a te ture, inaha, aita ho'e a'e o ratou i tauturu mai ia Sandy Ellacott.
RAVE RAHI MAU PORO'I O TEI FA'ATAE HIA I TE UTUAFARE FETI'I A SANDY
I ni'a i te tahua natireva a Facebook, ua ha'amau mai te tamahine a Sandy Ellacott i te ho'e 'api pi'i hia #Prayfornini, no te naho'a rahi o tei hina'aro i te tu'u mai i te tahi mau poro'i fa'atau aroha.
Na reira ato'a i te pae no te mau ti'a poritita, mai te peretiteni no te Hau Fenua, Edouard Fritch, haere mai ai o Oscar Temaru e o René Temeharo. No Edouard Fritch, aita roa atu oia i fa'ari'i i teie mau 'ohipa. "Te rahi noa atu ra teie mau 'ohipa 'ino i te fenua nei e te pato'i 'u'ana nei au i te reira. Te tumu rahi i farerei atu tatou i te reira : te 'ava e te 'ava'ava ta'ero".
No reira, ho'e ta'ahira'a o tei fa'anaho mai i teie mahana ma'a, mai te hora 4 i te ahiahi, no te pato'i i te reira. E piti vahi fa'arevara'a o tei tapura hia. A tahi roa, i te vahi tape'ara'a pere'o'o no te fare ma'i tahito no Mama'o e a piti, i te tahua tu'aro no Willy Bambridge, no te haere ti'a roa atu i Tarahoi.
"Ia vai noa tatou i roto i te Hau", o te tumu parau ato'a ia i tape'a hia mai no taua fa'anahora'a ra.
Na reira ato'a i te pae no te mau ti'a poritita, mai te peretiteni no te Hau Fenua, Edouard Fritch, haere mai ai o Oscar Temaru e o René Temeharo. No Edouard Fritch, aita roa atu oia i fa'ari'i i teie mau 'ohipa. "Te rahi noa atu ra teie mau 'ohipa 'ino i te fenua nei e te pato'i 'u'ana nei au i te reira. Te tumu rahi i farerei atu tatou i te reira : te 'ava e te 'ava'ava ta'ero".
No reira, ho'e ta'ahira'a o tei fa'anaho mai i teie mahana ma'a, mai te hora 4 i te ahiahi, no te pato'i i te reira. E piti vahi fa'arevara'a o tei tapura hia. A tahi roa, i te vahi tape'ara'a pere'o'o no te fare ma'i tahito no Mama'o e a piti, i te tahua tu'aro no Willy Bambridge, no te haere ti'a roa atu i Tarahoi.
"Ia vai noa tatou i roto i te Hau", o te tumu parau ato'a ia i tape'a hia mai no taua fa'anahora'a ra.
PARAU PIA A TE AORA'I O TE FA'ATERERA'A)
Puta o te tai’o tautai i Too’â o te ra e i Rôpû
I te 5 e tae i te 13 no ‘âtete nei, ua ‘amui atu na o Pôrînetia i roto i te rururaa a te tômite ‘ihi o te WCPFC i Ponape, ua matara mai te mau tai’o o te ‘âahi i tautai hia i 2014 ra i roto ia Pâtitifa too’â o te râ.
Ia ‘âmui hia, (auhopu, ‘âahi re’are’a, ‘âahi tari’a, tâtumu) ua tai’o hia, e te WCPO no 2014, 2 860 648 tane, te faufaa moni 5 779 mirioni târâ Marite.
Ia faa-au-hia e tei tai’a hia e tatou, te tâato’araa o te mau poti tai’a i Pôrînetia no 2014 ra, ua tautai tatou e 7 500 tane, oia ho’i 0,26% ‘âahi tei tautai hia e tatou.
Tahiti festa 2015: e manihini ta tatou rima’î i Tâpônê
Ua fârii te ‘Âpooraahau e horo’a i te tahi tauturu moni na te tômite rima’î no Tuamotu-Maareva Te Mata Keinanga no to râtou tere i te rururaa fa'a'itera'a tauiha'a rima'î i Tâpônê mai te 19 e tae i te 23 no tetepa 2015. E 8 ta'ata rima’î te tere, no to râtou aravehi i ni’a i te pae’ore te fa'a'ohipara'a i te pûpû.
E ô teie tere i roto i te pa’epa’e a te Hau fenua ia riro teie tuhaa ohipa ei imiraa faufa'a pâpû e o te fa'atîani ato'ara'a ho’i ia Pôrînetia na te ara.
Puta o te tai’o tautai i Too’â o te ra e i Rôpû
I te 5 e tae i te 13 no ‘âtete nei, ua ‘amui atu na o Pôrînetia i roto i te rururaa a te tômite ‘ihi o te WCPFC i Ponape, ua matara mai te mau tai’o o te ‘âahi i tautai hia i 2014 ra i roto ia Pâtitifa too’â o te râ.
Ia ‘âmui hia, (auhopu, ‘âahi re’are’a, ‘âahi tari’a, tâtumu) ua tai’o hia, e te WCPO no 2014, 2 860 648 tane, te faufaa moni 5 779 mirioni târâ Marite.
Ia faa-au-hia e tei tai’a hia e tatou, te tâato’araa o te mau poti tai’a i Pôrînetia no 2014 ra, ua tautai tatou e 7 500 tane, oia ho’i 0,26% ‘âahi tei tautai hia e tatou.
Tahiti festa 2015: e manihini ta tatou rima’î i Tâpônê
Ua fârii te ‘Âpooraahau e horo’a i te tahi tauturu moni na te tômite rima’î no Tuamotu-Maareva Te Mata Keinanga no to râtou tere i te rururaa fa'a'itera'a tauiha'a rima'î i Tâpônê mai te 19 e tae i te 23 no tetepa 2015. E 8 ta'ata rima’î te tere, no to râtou aravehi i ni’a i te pae’ore te fa'a'ohipara'a i te pûpû.
E ô teie tere i roto i te pa’epa’e a te Hau fenua ia riro teie tuhaa ohipa ei imiraa faufa'a pâpû e o te fa'atîani ato'ara'a ho’i ia Pôrînetia na te ara.
PARAU HURU RAU
PATURA'A RARAHI
E fa'a'ore hia te fa'a'ohura'a poromu no Patifita e vai nei i Pape'ete. E tu'u hia te tahi mau pou mori turama no te fa'aiti mai i te maumaura'a pere'o'o, ia au i te reo o te fa'atere hau, Albert Solia. Titau hia i te feia e rave nei i te ohipa i Fare Ute, e ia tere atu i te fa'a'ohura'a poromu no Chirac, no te ho'i mai i te aroa Prince Hinoi. No reira, no te fa'a'ore i te fa'a'ohura'a poromu no Patifita, titau hia i te ha'amau'a e 230 mirioni farane patifita, e ha'amata te mau tapura 'ohipa i te hope'ara'a o te 'ava'e no 'atopa tae atu i te 'ava'e no mati i muri nei. Ta'a noa atu i te reira, e fa'anehenehe ato'a-hia te hitira'a o te poromu.
FARI'IRA'A RATERE
E 'iriti hia te fa'a'ite'itera'a no te fari'ira'a ratere i teie mahana. E ha'amata teie fa'a'ite'itera'a i teie po'ipo'i mai te hora 8 i Aorai Tinihau. Rave rahi mau hotera e hotera 'utuafare no Tahiti e no te mau motu o tei tapura hia, ua rau ato'a te mau tarifa au noa o tei fa'ata'a hia mai.
VE'A NA TE TAMA
I te mau mahana toru ato'a, e fana'o mai outou i te tahi 'api fa'ata'a hia na te mau tama, i roto i ta outou nei ve'a papa'i a Tahiti Infos.
PATURA'A RARAHI
E fa'a'ore hia te fa'a'ohura'a poromu no Patifita e vai nei i Pape'ete. E tu'u hia te tahi mau pou mori turama no te fa'aiti mai i te maumaura'a pere'o'o, ia au i te reo o te fa'atere hau, Albert Solia. Titau hia i te feia e rave nei i te ohipa i Fare Ute, e ia tere atu i te fa'a'ohura'a poromu no Chirac, no te ho'i mai i te aroa Prince Hinoi. No reira, no te fa'a'ore i te fa'a'ohura'a poromu no Patifita, titau hia i te ha'amau'a e 230 mirioni farane patifita, e ha'amata te mau tapura 'ohipa i te hope'ara'a o te 'ava'e no 'atopa tae atu i te 'ava'e no mati i muri nei. Ta'a noa atu i te reira, e fa'anehenehe ato'a-hia te hitira'a o te poromu.
FARI'IRA'A RATERE
E 'iriti hia te fa'a'ite'itera'a no te fari'ira'a ratere i teie mahana. E ha'amata teie fa'a'ite'itera'a i teie po'ipo'i mai te hora 8 i Aorai Tinihau. Rave rahi mau hotera e hotera 'utuafare no Tahiti e no te mau motu o tei tapura hia, ua rau ato'a te mau tarifa au noa o tei fa'ata'a hia mai.
VE'A NA TE TAMA
I te mau mahana toru ato'a, e fana'o mai outou i te tahi 'api fa'ata'a hia na te mau tama, i roto i ta outou nei ve'a papa'i a Tahiti Infos.
