Teie te 30raa o te matahiti a fa'atupu hia ai te fa'a'ite'itera'a ma'a hotu i Vaitupa. 33 mirioni farane patifita, te tapura faufa'a o tei fa'ata'a hia no teie fa'anahora'a
PAPEETE, le 25/09/2015 - Mai inanahi mai a tae atu i te 4 no atopa, e nehenehe outou e fana'o i te mau ma'a hotu, te mau tiare huru rau e te mau 'animara o tei fa'ata'a hia i te roara'a no teie fa'anahora'a. Piri i te 400 rahira'a feia o tei tapura hia, ua tae ato'a mai e to te mau ta'amotu.
Teie te 30ra'a o te taime a fa'atupu hia ai te fa'a'ite'itera'a ma'a hotu. I teie matahiti, piri i te 400 rahira'a feia ho'o ma'a anei, ho'o tiare ato'a ho'i, e ho'o 'animara, o tei tapura hia i ni'a i teie mahora no Vaitupa.
Ua 'iriti hia teie fa'a'ite'itera'a inanahi nei, ua rau te mau ma'a hotu o tei fa'a'ite'ite hia ra. Fa'anhora'a teie, tia'i maoro hia e te huira'atira no te fenua nei. E 'iriti mai oia i tona mau uputa, i te mau mahana ato'a, mai te hora 9 i te po'ipo'i 'opani atu i te hora 6 i te ahiahi
33 mirioni farane patifita te tapura faufa'a o tei fa'ata'a hia no te fa'atupu i teie fa'a'ite'itera'a, na roto anei i te fa'ahaerera'a mai i te feia fa'a'apu no te mau motu i Tahiti nei.
Te tumu parau i tape'a hia mai, i teie matahiti : "Te fa'a'apu, to tatou ato'a ia ananahi." Ia riro teie mau faufa'a ei rave'a papu eiaha fa'ahou tatou e tapiho'o i te mau ma'a no rapae. Ia fa'arahi hia ra ta tatou mau ma'a no to tatou huira'atira, e no te fa'areva atu na te ara. Imira'a faufa'a papu ato'a te reira, ia au i te reo o te tomite ta'urua. Ia au ra i te reo o Yvette Temauri, te peretiteni no te piha Rautea, "e ti'a e ia 'imi hia ihoa i te tahi mau rave'a no te ha'amahuta i teie tuha'a 'ohipa, e fa'aora ra i te rahira'a o te mau 'utuafare i Porinetia nei".
No reira i teie matahiti, e toru fare 'ie o tei fa'ati'a hia. I raro a'e i te fare 'ie matamua, e nehenehe outou e 'ite mai i te raura'a o te mau huru tanura'a ma'a, mai tera ra tau tae atu i teie mahana. I te tahi a'e pae, e fa'anaho hia te mau tata'ura'a tiare. E ani hia i te feia tata'u e ia fa'a'una'una mai i te tahi mau 'aua. I raro a'e i te fare 'ie hope'a, ua fa'anaho hia mai te mau hoho'a o te mau peretiteni tahito no te piha rautea, tae mai i teie mahana.
Teie te 30ra'a o te taime a fa'atupu hia ai te fa'a'ite'itera'a ma'a hotu. I teie matahiti, piri i te 400 rahira'a feia ho'o ma'a anei, ho'o tiare ato'a ho'i, e ho'o 'animara, o tei tapura hia i ni'a i teie mahora no Vaitupa.
Ua 'iriti hia teie fa'a'ite'itera'a inanahi nei, ua rau te mau ma'a hotu o tei fa'a'ite'ite hia ra. Fa'anhora'a teie, tia'i maoro hia e te huira'atira no te fenua nei. E 'iriti mai oia i tona mau uputa, i te mau mahana ato'a, mai te hora 9 i te po'ipo'i 'opani atu i te hora 6 i te ahiahi
33 mirioni farane patifita te tapura faufa'a o tei fa'ata'a hia no te fa'atupu i teie fa'a'ite'itera'a, na roto anei i te fa'ahaerera'a mai i te feia fa'a'apu no te mau motu i Tahiti nei.
Te tumu parau i tape'a hia mai, i teie matahiti : "Te fa'a'apu, to tatou ato'a ia ananahi." Ia riro teie mau faufa'a ei rave'a papu eiaha fa'ahou tatou e tapiho'o i te mau ma'a no rapae. Ia fa'arahi hia ra ta tatou mau ma'a no to tatou huira'atira, e no te fa'areva atu na te ara. Imira'a faufa'a papu ato'a te reira, ia au i te reo o te tomite ta'urua. Ia au ra i te reo o Yvette Temauri, te peretiteni no te piha Rautea, "e ti'a e ia 'imi hia ihoa i te tahi mau rave'a no te ha'amahuta i teie tuha'a 'ohipa, e fa'aora ra i te rahira'a o te mau 'utuafare i Porinetia nei".
No reira i teie matahiti, e toru fare 'ie o tei fa'ati'a hia. I raro a'e i te fare 'ie matamua, e nehenehe outou e 'ite mai i te raura'a o te mau huru tanura'a ma'a, mai tera ra tau tae atu i teie mahana. I te tahi a'e pae, e fa'anaho hia te mau tata'ura'a tiare. E ani hia i te feia tata'u e ia fa'a'una'una mai i te tahi mau 'aua. I raro a'e i te fare 'ie hope'a, ua fa'anaho hia mai te mau hoho'a o te mau peretiteni tahito no te piha rautea, tae mai i teie mahana.
15 000 FEIA MATA'ITA'I TIA'I HIA I TE MAHANA HO'E
Teie te tauto'ora'a a te tomite ta'urua, i teie matahiti. Te vahi papu, ua mara'a te faito o te feia fa'a'ite'ite, ia fa'a-au-ana'e-hia i te matahiti i topa a'e nei. Ua numera hia 380 rahira'a feia fa'a'ite'ite tei tae mai, no te 30raa o te matahiti a fa'atupu hia ai i teie fa'a'ite'itera'a. Te vai ato'a ra te tahi o ratou o tei 'ore i fari'i hia, "mea rahi roa te feia i tapa'o mai i to ratou i'oa, teie ra, aita matou i nehenehe e fari'i i te ta'ato'ara'a, no te iti ho'i o te vahi i fa'ata'a hia. E ti'a ato'a paha ia, e ia feruri mai i te tahi mahora faito rahi no te fari'i i te ta'ato'ara'a i te matahiti 2016, i muri nei", o te reo ia o Yvette Temauri, peretiteni no te piha Rautea.
Mai te mea ra, ua tae mai te rahira'a o te mau ta'amotu, are'a no Tuha'a Pae ma, aita ratou i 'amui mai i teie matahiti, no te tahi ia mau fifi i te pae no te terera'a o te pahi. Te ti'aturi nei e to te tomite ta'urua e tae mai ratou i teie matahiti i muri nei.
I te pae no te mau animara e ho'o hia ra i roto i teie fa'a'ite'itera'a, te ha'apapu nei e to te tomite ta'urua, e ua hi'opo'a hia ratou e te mau taote 'animara, hau a 'afa'i hia atu i Vaitupa nei. No reira, eiaha roa atu outou e pe'ape'a i te reira vahi.
E hope teie fa'a'ite'itera'a i te 4 no atopa i muri nei, e taime a to outou no te haere e mata'ita'i i te reira.
Mai te mea ra, ua tae mai te rahira'a o te mau ta'amotu, are'a no Tuha'a Pae ma, aita ratou i 'amui mai i teie matahiti, no te tahi ia mau fifi i te pae no te terera'a o te pahi. Te ti'aturi nei e to te tomite ta'urua e tae mai ratou i teie matahiti i muri nei.
I te pae no te mau animara e ho'o hia ra i roto i teie fa'a'ite'itera'a, te ha'apapu nei e to te tomite ta'urua, e ua hi'opo'a hia ratou e te mau taote 'animara, hau a 'afa'i hia atu i Vaitupa nei. No reira, eiaha roa atu outou e pe'ape'a i te reira vahi.
E hope teie fa'a'ite'itera'a i te 4 no atopa i muri nei, e taime a to outou no te haere e mata'ita'i i te reira.
